Ahbarijiet

Illum Fuq RTK

Isma Issa

Fuq L-rtk Bhalissa

Skedi ghal granet ohra tal gimgha

Kuntatti

Ahbarijiet

Il-Prim Ministru Lawrence Gonzi fil-jiem li ġejjin se jiltaqa’ mal-persuna li dwarha hemm qbil bejn il-Gvern u l-Oppożizzjoni li tinħatar Kummissarju għall-Protezzjoni tad-Data. Jekk din il-persuna taċċetta, jibdew il-proċeduri amministrattiv biex issir il-ħatra tal-Kummissarju tal-Protezzjoni tad-Data.

Nhar it-Tnejn il-Prim Ministru, ikkomunika mal-Kap tal-Oppożizzjoni Joseph Muscat u ppropona isem biex jinħatar f’din il-kariga. Il-bieraħ il-Kap tal-Oppożizzjoni informa lill-Prim Ministru li l-oppożizzjoni taqbel mal-isem suġġerit mill-Gvern.

Stqarrija tal-Gvern qalet li biex il-konsultazzjoni tkun effettiva l-Prim Ministru ma kellimx lill-persuna li ppropona hu stess, qabel ma l-oppożizzjoni tkun tat ir-risposta tagħha.

Il-Kap tal-Oppozizzjoni u Mexxej tal-Partit Laburista Joseph Muscat sahaq li huwa qabel mal-isem tal-persuna li pproponielu l-Prim Ministru Lawrence Gonzi sabiex jiehu l-kariga tal-Kummissarju tad-Data.

Dr Joseph Muscat qal dan waqt konferenza tal-ahbarijet fejn fiha tkellem dwar il-protezzjoni tad-Data. Huwa zied jghid li immedjatament hu baghat ittra lill-Kummissarju tad-Data l-gdid sabiex jiftah investigazzjoni dwar il-korrisspondenzi bl-emails li fi kliemu kixfu manuvri politici skorretti u li saru kemm qabel l-Elezzjoni Generali, kif ukoll fix-xhur ta’ wara.

Barra minn hekk il-Mexxej Laburista pprezenta email li skont hu waslet ghand il-Partit Laburista u li fi kliemu din kienet turi u tikxef hidma li tmur kontra l-protezzjoni tad-data. Huwa stqarr li f’din l-email, li hu qal li kienet titratta dwar laqgha li saret bejn il-Partit Nazzjonalista u Ufficjali mill-ufficju tal-Prim Ministru dwar tislif tad-data bejn iz-zewg nahat, kienet turi li ma hemm l-ebda distinzjoni bejn Gvern u l-Partit Nazzjonalista. Qal ukoll li huwa fatt gravi li persuni li jkunu talbu ghajnuna fuq livell ta’ Stat, ikollhom id-data taghhom mghoddija lill-partit.

Joseph Muscat sostna wkoll li din kienet parti minn strategija elettorali u li tikxef dak li sehh qabel u wara l-elezzjoni, kif ukoll qal li din l-email tikxef l-intent tal-Partit Nazzjonalista li jidhol fil-management tal-Gvern u jkun jista’ jara t-trends tal-poplu. Ghaldaqstant huwa tenna li huwa fatt gravi li Ufficjali gholja fl-Ufficju tal-Prim Ministru jaqblu ma’ dawn il-fatti u ppartecipaw fil-laqgha. Dr Muscat qal li huwa fid-dover u fir-responsabilita’ tal-Prim Ministru li jiehu r-riedni f’idejh sabiex dawn l-affarijiet jieqfu u tittiehed azzjoni immedjata kontrihom. Semma wkoll li hemm riperkussjonijiet u decizjonijiet politici li skont hu l-Prim Ministru jrid jiehu r-responsabilitajiet taghhom.

Huwa temm jghid li f’dawn ic-cirkostanzi l-Prim Ministru ha l-irwol ta’ kontrollur tal-hsara u ma hax f’idejh ir-responsabilita’ li jara li dawn l-affarijiet ma jsehhux.

Is-Segretarju Generali tal-Partit Nazzjonalista, Paul Borg Olivier, ghamilha cara li l-uniku intenzjoni tal-Partit Nazzjonalista dwar is-sistema ta’ customer care tal-Ministeri hi li dawk kollha li jersqu lejn il-Ministeri tal-Gvern b’ilment jinghataw widen u sodisfazzjon shih ghall-ilmenti li jkunu resqu. Hu qal dan wara li aktar kmieni, il-Mexxej Laburista Joseph Muscat ippubblika email li waslet ghand il-Partit Laburista u li kienet turi u tikxef hidma li tmur kontra l-protezzjoni tad-data.

Dr. Borg Olivier sahaq li l-email turi car ukoll li hu biss tharrif u esagerazzjoni tal-Partit Laburista li l-Partit Nazzjonalista b’xi mod irid xi dettalji ta’ dawk li jressqu ilmenti mal-Ministeri. Hu spjega li l-email turi li s-sistema hi wahda li se tibqa’ fi hdan il-Gvern u li tara li x-xoghol tal-customer care ikun integrat ahjar u aktar effettiv. Is-Segretarju Generali tal-Partit Nazzjonalista qal ukoll li s-sistema li dwarha l-Partit Laburista qed jesager u jharref tara biss li jkun hemm management ahjar tal-ilmenti tac-cittadini mal-Ministeri, li l-burokrazija ma xxekkilx il-process biex cittadin jinghata widen u sodisfazzjon, u taghti indikazzjoni ta’ liema jkunu l-aktar ilmenti spissi u li dawn l-ilmenti jkunu segwiti tajjeb.

Hu sahaq li dak kollu li l-Partit Laburista qed jghid dwar din l-email hu finzjoni. Dr. Borg Olivier tenna li fl-ebda parti tal-email ma kien hemm miktub biex id-data tintbaghat lill-partit Nazzjonalista. Hu ghamilha cara wkoll li min ippubblika din l-email jista’ jkun ukoll qed jaghmel uzu hazin tad-data skond il-Kodici Kriminali.

Is-Segretarju Generali tal-Partit Nazzjonalista qal ukoll li se jkun qed jizvela dokumenti li juru kif il-Partit Laburista ghandu sistema li biha jigbor informazzjoni dwar ic-cittadini minghajr il-kunsens taghhom.

Fl-okkazjoni tal-Gimgha tal-Persuni b'Dizabilita, l-Arcisqof Emeritus Guzeppi Mercieca, flok Mons Pawl Cremona li kien indispost, ta messagg ta’ mhabba waqt quddiesa li inawgurat mill-gdid il-kappella tad-Dar tal-Providenza li kienet ricentament restawrata.

Fil-hsieb li ghamel fl-omelija tieghu, Mons Mercieca radd hajr lil Alla ghal din l-okkazjoni li qal li fid-Dar tal-Providenza turi li Alla ma jieqaf qatt juri l-imhabba tieghu. Zied jghid li lil Alla qatt hadd ma rah, pero Hu baghat lil Ibnu sabiex iwassal lill-bniedem messagg ta’ din l-imhabba, li fi kliemu, izzomm lill-bniedem fuq saqajh. Mons Mercieca kompla jghid li Alla jistenna li kull bniedem jitratta lill-iehor b’imhabba u dan mhux bil-kliem izda bil-fatti. Huwa u jindirizza lil dawk prezenti, Mons Mercieca heggighom iduru lejn Alla u jirringrazzjawh talli jghin lil kull individwu bit-toroq tieghu. Qal li d-Dar tal-Providenza hi monument ta’ l-imhabba t’Alla lejn il-bniedem, li timmanifesta ruhha fil-kura ta’ l-infirmiera u n-nies li jzuru lir-residenti. Sahaq li l-hin li jinghataw dawn ir-residenti hu ta’ valur kbir ghax fi kliemu, il-hin hu imprezzabbli. Fl-ahharnett heggeg ukoll ghat-talb lil Alla fil-mument meta wiehed ihossu mtaqqal bil-qtigh il-qalb. Sostna li dan juri fiducja qawwija f’Alla li qatt ma jonqos milli jaghti l-ghajnuna tieghu lil min ikun jehtiegha.

Intant, il-kappella, giet restawrata fuq disinn tal-Perit Conrad Thake. Fil-kappella kien irrangat is-saqaf, sar madum gdid u zebgha friska, sistema gdida ta’ dwal u ta’ PA System, saru twieqi ta' l-istained glass fuq disinn ta' l-artist Luciano Micallef u twahhal ukoll kurcifiss xoghol l-iskultur mibki Anton Aguis li gentilment gie regalat lid-dar minn martu Aloisia. Dan minbarra orgni gdid li ngieb mill-Italja u Via Sagra gdida li nxtrat minn Ruma.

Wara li d-Direttur tad-Dar tal-Providenza Fr Martin Micallef radd hajr lil kull min ta u qed jaghti sehmu biex id-Dar timxi ‘l quddiem fis-servizzi li toffri, diversi persuni fosthom Mons Guzeppi Mercieca u l-ex Direttur tad-Dar tal-Providenza Mons Lawrence Gatt, nghataw tifkira ta’ l-okkazjoni.

Fl-istess okkazjoni, Mons Arcisqof Emeritus ipprezenta l-barka Appostolika tal-Papa Benedittu 16 lil Sor Anselma Tanti li ghalqet 90 sena. Mill-informazzjoni li kiseb RTK minn fuq il-post jirrizulta li Sor Tanti ilha tahdem id-Dar tal-Providenza ghall-ahhar 20 sena.

Il-Prim Ministru Kanadiz Stephen Harper irnexxa fit-tentattiv tieghu li jissospendi il-Parlament ghal xahar shih u b’hekk imblokka attentat tal-oppozizzjoni li twaqqa’il-gvern ta’ minoranza immexxi minnu.

Il-Gvernatur Generali tal-Kanada laqa’ it-talba ta’ Harper, li hija wahda bla precedent, wara tahdidiet li kellhom bejniethom.

Kieku t-talba tal-Prim Ministru ma gietx milqugha, huwa kien ikollu jirrizenja jew inkella jiffaccja vot ta’ sfiducja fil-parlament li zgur kien jitilfu.

L-oppozizzjoni nhar it-Tnejn kienet talbet ghal dan il-vot waqt li akkuzat lill-Gvern li ma kienx irnexxielu isalva l-ekonomija tal-pajjiz.

Illum Fuq RTK

Live Streaming

Bhal issa fuq RTK

Skeda ghal granet ohra tal-gimgha

Kuntatti